Ciyaaryahayn Kieran Tierney oo ku jira maalmihiisii ​​ugu dambeeyay iyo Macalin Arteta oo Bilaabay..

Daafaca dambeedka bidix ee Scotland, oo dhawaan ku soo laabtay garoomada ka dib lix bilood oo sababo la xiriira dhaawac muruqa ah uu la maqnaa, waxaa lagu wadaa inuu ka tago kooxda suuqa jiilaalka ee soo socda.

Inkastoo uu kusoo bilowday kulankii ay Arsenal 3-2 kaga badiyeen Crystal Palace wareega 8da EFL Cup, hadana mustaqbalkiisa Emirates Stadium ayaa u muuqda mid soo dhamaaday.

Laacibka, oo baraha bulshada kaga mahad celiyay taageerada uu helay markii uu soo laabtay, wali ma haysto kalsoonida Mikel Arteta.

Sida laga soo xigtay saxafiga David Ornstein oo ka tirsan The Athletic, Arsenal ayaa go’aansatay inaysan kordhin qandaraaskiisa oo dhacaya June 2025.

Tani waxay u ogolaaneysaa Tierney inuu la xaajoodo kooxaha doonaya laga bilaabo Janaayo si uu uga tago Gunners ka hor dhamaadka xilli ciyaareedka.

Tan iyo markii uu soo laabtay, waxaa keydka loogu yeeray toddobo jeer, isagoo kaliya ciyaaray 69 daqiiqo.