Cristiano Ronaldo Oo Sheegay In Ballon D’Or-ka Sanadkan Cadaalad Daro Lagu Bixiyay, Waxaa Mudnaa Ciyaaryahankaan….

Halyeyga Real Madrid iyo gooldhaliyaha ugu sarreeya taariikhda kooxda, Cristiano Ronaldo, ayaa sheegay in Vinicius Júnior uu u qalmay inuu ku guuleysto abaalmarinta caalamiga ah ee Ballon d’Or, halkii uu ku guuleysan lahaa kubbad-sameeyaha xulka Spain iyo Manchester City, Rodri.

Xiddiga reer Brazil, Vinicius, ayaa Jimcihii ku guuleystay abaalmarinta ciyaaryahanka ugu fiican adduunka xafladda Globe Soccer Awards ee Dubai. Bishii hore, Vinicius ayaa sidoo kale loo magacaabay ciyaaryahanka sannadka ee ragga ee FIFA “The Best”.

“Vinicius wuxuu u qalmaa Ballon d’Or,” ayuu yiri Ronaldo. “Waxey aheyd cadaalad-darro (inuu waayo). Waxaan sidaas ku leeyahay hortiisa qof walba.”

Vinicius ayaa ku jiray xilli ciyaareed cajiib ah oo uu la qaatay Real Madrid, isagoo dhaliyay goolal muhiim ah islamarkaana qayb weyn ka qaatay guulaha kooxda. Dhanka kale, Rodri oo sidoo kale ku guuleystay Ballon d’Or sanadkan ayaa ku guuleystay Premier League, Champions League, iyo FA Cup isaga oo hoggaaminayay Manchester City.

Hadalka Ronaldo ayaa si weyn uga dhex dhaliyay dood xiiso leh taageerayaasha kubadda cagta, iyadoo dad badan ay ka falceliyeen aragtidiisa ku aaddan xiddigaha ugu sarreeya ee xilli ciyaareedkan.