Guardiola Oo Afka Furtay Cid Ceyn Kartaa Ma Jirto Waa Sababta aan Horyaalka Ugu……

Tababaraha Manchester City, Pep Guardiola, ayaa taageero buuxda u muujiyay weeraryahankiisa Erling Haaland, isagoo ka jawaabayay dhaleeceynta dhowaanahan loo jeediyay ciyaaryahanka reer Norway. Guardiola ayaa si cad u sheegay in Haaland uu yahay xubin muhiim ah oo aan laga saari karin kooxda.

“Ha taabanina Erling… wuxuu noo yahay mid aad muhiim noogu ah, wuxuuna sii ahaan doonaa mid muhiim noo ah,” ayuu Guardiola ku yiri shir jaraa’id.

Guardiola ayaa intaas ku daray in kooxda ay hadda diiradda saarayaan sidii ay u hagaajin lahaayeen qaabka ay u adeegsanayaan Haaland si uu uga faa’iidaysto fursadaha uu halayo si buuxda.

“Waxaan isku dayi doonnaa inaan waxwalba si wanaagsan u qabanno si aan ugu adeegsanno isaga si fiican. Tani waa mid ka mid ah howlaha aan hadda diiradda saarayo,” ayuu sii raaciyay.

Haaland, oo xilli ciyaareedkiisii ugu horreeyay ee  Premier League dhaliyay goolal rikoor ah, ayaa xilli ciyaareedkan la kulmay dhaleeceyn ku saabsan inuu si joogto ah ugu lug yeesho ciyaarta. Si kastaba ha ahaatee, Guardiola ayaa muujiyay kalsoonida uu ku qabo in weeraryahankiisu uu weli yahay furaha guulaha Manchester City mustaqbalka dhow iyo kan fogba.

Hadalka Guardiola ayaa sidoo kale fariin u diraya taageerayaasha iyo warbaahinta, isagoo ku adkeystay in Haaland uu yahay ciyaaryahan aan la iska indho-tiri karin isla markaana aan loo dulqaadan doonin wax dhaleeceyn ah oo aan sal lahayn oo loo jeediyo.