HALIS CUSUB: Tababaraha Man City oo Dajiyay Qorshe Arsenal uu Kaga Reebayo Tartanka Premier League

Manchester City ayaa diyaar u ah inay bixiso 50 milyan ginni oo lagu burburin karo saxiixa riyada Arsenal Martin Zubimendi, sida ay wararku sheegayaan.

Gunners ayaa muddo dheer lala xiriirinayay 25 jirka khadka dhexe, kaasoo u ciyaara kooxda Real Sociedad ee La Liga ka dhisan.

Arsenal ayaa haatan qarka u saaran inay weydo saxiixa Zubimendi oo ku biiri kara kooxda ay ku xafiiltamaan horyaalka  Premier League ee City, sida The Standard ay werisay.

Wargayska ayaa sheegaya in ay Man City ay xoojisay isku daygeeda ay ku doonayso saxiixa xiddigaan suuqa January.

Pep Guardiola ayaa xaqiijiyay ka dib barbarihii 1-1 ee Boxing Day kooxdiisa ay la gashay Everton inuu isku dayi doono inuu xoojiyo kooxda City marka la gaaro suuqa jiilaalka.

Qorshaha Pep Guardiola ayaa dhaawac weyn ku noqon doonaa Arsenal iyo Arteta oo muddo dheer la socday xaalada Martin Zubimendi.