HALISTA HEERKA LABAAD Ruben Amorim oo Hogaaminaya Manchester- tii ugu Xumeyd Taariikhda…

26 December 2024 - 9:16 pm

Manchester United ayaa mar kale guuldaro la kulantay iyada oo Wolves wajahday kulanka Boxing Day Premier League katirsan.

Red Devils ayaa ku dhibtooday inay dib u soo nooleyso rajada tababaraha cusub ee Ruben Amorim, iyadoo kooxdu ay haatan hal guul iyo seddex guuldarro wajahday afartii kulan ee ugu danbeysay Premier League.

Wolves ayaa u qalantay guushii ay ka gaareen Man Utd, Samuel Luckhurst oo ka tirsan Manchester Evening News ayaa fikradaas qaba.

United ayaa lagu tilmaamay tii ugu xumayd muddo 50 sano ah kadib, waxayna sidookale kooxdu ku sugan tahay marxalad lamid ah tii ay ugu laabteen heerka labaad sannadkii 1974tii.

Tani waxay kaga dhigan tahay murugo taageerayaasha United, kuwaas oo quus ka istaagay mashruuca Amorim oo lagu bedelay Ten Hag.

MUFC waxa ay u badantahay in aysan u dhici doonin xilli ciyaareedkan heerka labaad si lamid ah 1974-tii, laakiin waqti xaadirkan waxa ay ku dhaw yihiin darajooyinka hoose ee Premier League.