Halkan Kala Soco Rashford, Maguire, Pulisic, Nkunku Iyo Wararkii Ugu Dambeeyay Ee Suuqa Kala Iibsiga.

Waxa ay maalmo yar inaga xigaan furitaanka suuqa kala iibsiga January waxana durba isa soo taraya wararka ku saabsan xiddigaha.

Kooxaha ayaa u dadaalaaya sidii ay u dhamaystiri lahaayeen saxiixyo cusub si ay ugu xoojiyaan kooxda qaybta dambe ee xilli ciyaareedka.

Halkan kaga bogo wararkii ugu dambeeyay ee suuqa kala iibsiga maalin kasta.

Barcelona ayaa Manchester United u soo bandhigi doonta fursad ay kula soo saxiixan karto xiddiga garabka ka ciyaara ee Ansu Fati si uu uga qayb noqdo hesiiska ay ku doonayso Marcus Rashford (Fichajes).

Kooxda Liverpool ayaa indha-indheeyayaal u dirtay xiddiga khadka dhexe ee kooxda Porto ee Nico Gonzalez (Anfield Watch).

Bayern Munich ayaa ku soo biirtay tartanka loogu jiro saxiixa xiddiga garabka uga ciyaara kooxda Borussia Dortmund ee Jamie Gittens (Florian Plettenberg).

Napoli, Leicester City iyo Fenerbahce ayaa dhamaantood ka dhawaajiyay xiisaha ay u qabaan saxiixa daafaca dhexe ee Man Utd Harry Maguire bisha January (Fichajes).

Newcastle United ayaa laga yaabaa inay ku fikirto inay iska iibiso ciyaaryahanka khadka dhexe ee Sandro Tonali xagaaga soo aadan si ay uga fogaato ganaax lacageed. Juventus ayaa aad u doonaysa xiddiga reer Italy (Football Insider).

AC Milan ayaa diyaar u ah inay Christian Pulisic ka saxiixdo heshiis cusub si ay u hubiso inuusan ka tagin kuna biirin Liverpool (Calciomercato).

Arsenal ayaa indha-indheeyayaal u dirtay inay daawadaan weeraryahanka Atalanta ee Mateo Retegui xilli ciyaareedkan (talkSPORT).

Xiddiga Athletic Club Nico Williams ayaa si cad u sheegay in uu doorbidayo in uu ku biiro Real Madrid inkasta oo uu xiiso ka helayo Barcelona, Chelsea, Liverpool, Tottenham Hotspur iyo Paris Saint-Germain. (Confidencial).

Pep Guardiola ayaa doonaya in Manchester City ay iibiso ugu yaraan shan ama lix ciyaaryahan si uu dib u dhis ugu sambeeyo kooxdiisa (Guillem Balague).

Wakiilka xiddiga chelsea ee Christopher Nkunku ayaa saxiixa xiddiga u soo bandhigay kooxda Barcelona (Sport).

Kooxda Man United ayaa xiiso u qabta saxiixa xiddiga Victor Osimhen kaas oo amaah kula jooga kooxda Galatasaray (Manchester Evening News).