Liiska Kala Sarreynta Tartanka Ballon d’Or 2025 Oo Lasoo Saaray, Yaa Hogaaminayo?

Tartanka loogu jiro Ballon d’Or 2025 ayaa sii kululaanaya iyadoo ciyaartoyda ugu waaweyn Yurub ay soo bandhigayaan qaab ciyaareedkooda ugu fiican tartamada maxalliga iyo kuwa caalamiga ah. Kadib markii Rodri uu ka baxay tartanka sababo la xiriira dhaawac, fursadda ayaa u furan xiddigo cusub oo doonaya inay ku guuleystaan abaalmarintaas sharafta leh.

Halkan hoose waxaa ku qoran xiddigaha ugu cadcad iyo qaab ciyaareedkooda hadda:

1. Mohamed Salah (Liverpool)

Xogta: 20 gool, 15 caawin

Salah ayaa si cajiib ah ugu jira qaab ciyaareed heer sare ah isaga oo ku hoggaaminaya Liverpool inay u tartanto horyaalka  Premier League iyo  Champions League. Qaab ciyaareedkiisa joogtada ah ee uu soo bandhigayo ayaa ka dhigaysa kan ugu cadcad inuu noqdo ciyaaryahankii ugu horreeyey ee Afrikaan ah ee ku guuleysta Ballon d’Or tan iyo George Weah sanadkii 1995.

2. Vinícius Jr (Real Madrid)

Xogta: 14 gool, 10 caawin

Vinícius ayaa si weyn ugu dhiirran inuu caddeeyo awooddiisa kadib markii uu kaalinta labaad galay sanadkii 2024. Qaab ciyaareedkiisa hillaacaya ayaa Real Madrid ka dhigay mid weli tartan adag ku jirta, wuxuuna sii ahaanayaa mid si dhab ah ugu tartami doona abaalmarinta haddii Madrid ay ku guuleysato koobab waaweyn.

3. Raphinha (Barcelona)

Xogta: 20 gool, 10 caawin

Raphinha ayaa door weyn ka ciyaaraya weerarka Barcelona xilli ciyaareedkan. Inkastoo ay isku dhowyihiin xiddigaha sida Lamine Yamal, goolashiisa iyo caawintiisa ayaa muhiim u ahaa kooxda, taas oo ka dhigaysa mid weli ku jira tartanka Ballon d’Or.

4. Jamal Musiala (Bayern Munich)

Xogta: 16 gool, 9 caawin

Musiala ayaa ahaa ciyaaryahanka ugu bandhigga fiican Bayern, isaga oo u horseeday kooxda hal-abuurnimo iyo goolal muhiim ah. Haddii Bayern ay ku guuleysato koobabka maxalliga iyo Yurub, xiddiga da’da yar ayaa si dhab ah ugu tartami doona abaalmarinta.

5. Robert Lewandowski (Barcelona)

Xogta: 24 gool, 4 caawin

Lewandowski oo 36 jir ah ayaa weli  wacdarro dhigaya kadib markii uu dib ula midoobay tababarihiisii hore Hansi Flick. Inkastoo uu ku jiro qaab ciyaareed fiican, da’diisa iyo tartanka adag ee ka dhex jira kooxdiisa ayaa laga yaabaa inay xaddido fursadihiisa.

6. Lamine Yamal (Barcelona)

Xogta: 6 gool, 13 caawin

Xiddiga 17 jirka ah ayaa jebinaya rikoodho waaweyn isagoo soo bandhigaya ciyaaro cajiib ah. Inkastoo uu ku guuleysan karo Ballon d’Or, Yamal wuxuu samaynayaa wado fiican oo u horseedi karta inuu noqdo mid rikooro cusub dhiga mustaqbalka.

Iyadoo xilli ciyaareedka 2024-25 uu weli socdo, bandhig kasta wuxuu muhiim u noqon doonaa tartanka. Salah, Vinícius, iyo Raphinha ayaa hadda hogaaminaya, laakiin tartanku waa mid wali furan. Ciyaartoyda sida Mbappé, Musiala, iyo Kane ayaa isha ku haya inay saameyn weyn ku yeeshaan qeybta dambe ee xilli ciyaareedka.