Marcus Rashford weli waxaa ku socdo weeraro kaga imaanayo halyeeyadii hore ee Manchester United…

Halyeeyga Manchester United, Jaap Stam, ayaa si kulul u weeraray Marcus Rashford oo sheegay inuu diyaar u yahay inuu ka tago Old Trafford.

Daaficii hore ee Red Devils ayaa sheegay in weeraryahanka uu qaadayo wado sahlan isagoo isku dayaya inuu ka tago kooxda iyadoo ay jirto dhaleeceyn badan.

Qaab ciyaareedkii liitay ee Rashford ee tababarayaasha kala duwan ee Old Trafford soo maray ayaa keentay inuu la kulmo dhaleecayn wayn oo kaga imanaya taageerayaasha iyo falanqeeyayaasha ciyaaraha.

Ciyaaryahanka heerka caalami ee dalka England ayaa sidoo kale si aad ah loola xiriirinayay inuu ka tagayo Manchetser United ilaa xagaagii hore.

Rashford ayaa dhawaan sheegay inuu diyaar u yahay tartan cusub xili uu ka maqan yahay safka kooxda koowaad.

Jaap Stam ayaa yiri, “Waxaan u maleynayaa inaad dhahdo waxaan rabaa inaan baxdo waa wadada ugu fudud sababtoo ah waa xilli adag.

“Wuxuu la kulmay dhaleeceyn badan oo ku saabsan qaab ciyaareedkiisa, xitaaa ma muujin awood ku filan oo uu dadaal dheeri ah ku sameynayo.

“Waxaan u maleynayaa haddii uu taas muujin lahaa in ay wax weyn u noqon laheyd, ma muujin taas hadda.

“Waxaa laga yaabaa inay u fiicnaan lahayd isaga iyo kooxdaba inuu dhaqaaqo, laakiin waxaan jeclaan lahaa inaan arko isaga oo wax walba u huraya kooxda.