Mohamed Salah Rikoor Noocee Ah Ayuu Jebin Doonaa Caawa Haduu uu Soo Taabto Shabaqa West Ham?

Xiddiga Liverpool, Mohamed Salah, ayaa isha ku haya inuu sii wado qaab ciyaareedkiisa heerka sare kulanka ay kooxdiisu wajaheyso West Ham Axadda. Kulankan ayaa ka dhacaya London Stadium.

Salah ayaa qaab ciyaareed cajiib ah soo bandhigay xilli ciyaareedkan, isagoo kooxdiisa ka caawiyay inay hogaamiso Premier League iyo Champions League. Xiddiga reer Masar ayaa haatan hogaaminaya liiska gooldhaliyeyaasha Premier League xilli ciyaareedkan, isagoo dhaliyay 16 gool.

Hadda Salah wuxuu hal gool u jiraa inuu gaaro 20 gool tartamada oo dhan xilli ciyaareedkan, taasoo noqon doonta xilli ciyaareedkii 8-aad oo xiriir ah uu sidaas sameeyo tan iyo markii uu ku soo biiray Liverpool.

Haddii uu rikoodhkan gaaro, Salah wuxuu booska ku ciriirin doonaa ciyaaryahankii hore ee Liverpool Ian Rush, oo sagaal xilli ciyaareed oo xiriir ah gaaray 20 gool ama ka badan. Rush ayaa ah ciyaaryahanka kaliya ee taariikhda kooxda Liverpool sidaas sameeyay.

Kulankan ayaa fursad muhiim ah u noqon doona Salah, iyadoo taageerayaasha Liverpool ay rajeynayaan inuu sii wado qaab ciyaareedkiisa taariikhiga ah.