Raphinha ayaa si kulul u canaantay ciyaartoyda Barcelona kadib guuldarradii ay kala kulmeen Las Palmas

Xiddiga Barcelona, Raphinha, ayaa si kulul u dhaleeceeyay kooxdiisa ka dib guuldaradii 2-1 ee ay kala kulmeen Las Palmas galabta.

Raphinha ayaa sheegay in goolkiisa uu muujinayay in Barcelona ay ku ciyaareyso si wanaagsan, laakiin taas ma aysan dhicin.

Kooxda martida loo ahaa ayaa daqiiqadii 49-aad heshay goolka koowaad, waxaana u dhaliyay xiddiga Sandro Ramirez.

Daqiiqadii 61-aad, Raphinha ayaa u jawaabay isagoo dhaliyay gool barbaro ah oo u ahaa kooxdiisa Barcelona.

Las Palmas ayaa mar kale hogaanka qabatay, waxayna ciyaarta ka dhigeen 2-1 daqiiqadii 67-aad markii Fabio Silva uu shabaqa gaaray.

Raphinha ayaa u sheegay Fabrizio Romano bartiisa Twitter-ka: “Waxaan sameynay wax aan fiicnayn, qaab ciyaareedkeena ayaa hoos u dhacay, guuldarraduna ma ahan mid aan u qalanno.

“Waxyaabo badan ayaa qalad ah oo aan sameynay, waa inaan wax ka beddelnaa qaabkeena kulanka soosocda, waxaanan ahay mid xanaaqsan, ma aanan gaarin hadafkeena,” ayuu yiri Raphinha.