Ruben Amorim Muxuusan Jecleyn uu Taageeraha Man utd Ka codsaday iney ka daayaan?!

Tababaraha cusub ee Manchester united ayaa durbo ka helay jaceyl iyo soo dhaweyn taageerayaasha Manchester united balse Ruben Amorim ayaa sheegay inuusan marnaba jecleysan heeska aay u qaadaan taageerayaasha Manchester united.

Ruben Amorim ayaa guulo kula bilowday waayihiisa naadiga Manchester united asagoo guulo waa weyn ka gaaray kulamadii ugu danbeeyay uu kooxdani tababare cusub unoqonayay.

Si kastaba ha ahaatee Ruben Amorim ayaa sheegay inuusan jecleyn heeska magaciisa loogu talo galay ee wadata laxanka “Baby Give It Up” ee KC and The Sunshine Band.

Man united ayaa habeen danbe oo arbaco ah booqaneyso gigada ciyaaraha ee Emirates Stadium, Man united ayaa la arki doonaa hadii aay kasoo kabsan karto dib u dhacyadii haaystay waayadaan.

“Ma jecli heesta magacayga loogu heeso. Runtii ma jecli,” ayuu yiri Amorim shirkiisa jaraa’id ka hor kulanka Arsenal ka hor ka hadlayay, Amorim ayaa raaciyay in muhiimada la saaro in ciyaartoyda dhan la amaano si guulo wadajir ah loo gaaro.