Taageero Manchester City ah oo loo xiray aflagaadooyin aay u geysteen xidigaha Liverpool

Wiil 19 jir ah taageero u ah Manchester City ayaa xabsi loogu taxaabay hees aflagaado ah uu ka qaaday ciyaar dhex mareysay Liverpool iyo Man city garoonka Anfield, waxaa kaloo lagu raad joogaa 8 nin oo kale oo ayagana lagu tuhunsan yahay arinkan.

Heesaha aflagaadada ah ee laga qaaday ciyaartaasi ayaa lagu sheegay iney raad ku lahaayeen musiibadii ka dhacday Hillsborough taas oo ay ku dhinteen 97 ruux oo taageere Liverpool ahaa xili lagu gudo jiray ciyaar nus-dhamaad aheyd ee Fa Cup Abriil 1989.

Wakhtigii Liverpool lagu aflagaadeynayay heesaha ka imaanayay taageerayaasha Man city ayay Liverpool ciyaartaasi ku adkaatay 2-0 taasoo u suurto gelisay iney hogaanka kusii qabtaan 9 dhibcood.