Tababaraha Liverpool Ayaa Markii Ugu Horeysay Fashiliyay Sir Weyn oo Ku Saabsan Alexander Arnold

Tababaraha Liverpool, Arne Slot, ayaa ka jawaabay wararka la xiriirinaya in daafaca midig ee kooxda, Trent Alexander-Arnold, uu ku biiri karo Real Madrid bisha Janaayo.

Markii la weydiiyay su’aashan, Slot ayaa si cad u sheegay in Alexander-Arnold uu si buuxda ugu heellan yahay Liverpool, diyaarna u aheyn jawi kale oo cusub.

Arne Slot ayaa yiri: “Wey ka go’an tahay inuu kooxda guulo la gaaro, waana kuu sheegi karaa inuu ciyaari doono Axadda kulanka ka dhanka ah Manchester United!”

Hadalka Slot ayaa u muuqda mid meesha ka saaraya suurtogalnimada Alexander-Arnold uu kaga tagayo Liverpool inta lagu jiro suuqa kala iibsiga Janaayo. Xiddigan muhiimka ah ayaa weli ah tiir-dhexaadka qorshaha kooxda, gaar ahaan xilli ciyaareedkan oo Reds ay si adag ugu dagaallameyso Premier League.

Liverpool ayaa Axadda wajahaysa Manchester United, kulan weyn oo ay taageerayaasha labada kooxood si weyn isha ugu hayaan.