Xidig Caan Ah Oo Sabab Layaab Leh Ugu Tagayo Naadiga Barcelona, Maxey Tahay Sababta?

Mid ka mid ah arrimaha ugu adag ee Barcelona ay haatan wajahayso waa xaaladda qandaraaska Frenkie de Jong. Khadka dhexe ee reer Netherlands ayaa horay u diiday fursadda uu ku cusbooneysiin lahaa qandaraaskiisa, kaas oo ku eg dhamaadka xilli ciyaareedka soo socda. Hadda, kooxda ayaa qorsheynaysa inay suuqa dhigto haddii aan heshiis cusub la gaarin.

Bilihii u dambeeyay, de Jong ayaa waayay muhiimaddiisii hore ee kooxda. Wuxuu markii hore ka mid ahaa xiddigaha joogtada ah ee kooxda, waxaana hoos u dhac weyn ku imid bandhigyadiisa. Sidaas darteed, madaxda Barcelona ma doonayaan inay dadaal dheeri ah ku bixiyaan sidii ay u sii haysan lahaayeen, sida lagu sheegay warbixin ka soo baxday Mundo Deportivo.

Barcelona ayaa rajo ka qabtay inay de Jong ku qanciso dhimista mushaarkiisa qeyb kamid ah ka hor wadaxaajoodka qandaraaska cusub, balse xiddiga laftiisu ma doonayo inuu hoos u dhigo dakhligiisa. Kooxda ayaa caddeysay inay diidmada ka sii socon doonto haddii uusan xiddigu wanaajin bandhigyadiisa inta ka harsan xilli ciyaareedka, taas oo culeys dheeraad ah saaraysa isaga.

Haddii Barcelona ay suuqa dhigto de Jong xagaaga soo socda, kooxo badan oo waaweyn ayaa xiiseyn doona saxiixiisa. Kooxaha Premier League qaarkood, Bayern Munich, iyo Paris Saint-Germain ayaa la sheegay inay xiiso u qabaan. Xaaladda haatan, waxay u muuqataa mid u badan inuu ka tagayo Camp Nou.