Xidigii Hore Man United Gary Neville Oo Magacaabay Xiddiga Ugu Halista Badan Arsenal

Gary Neville Oo Magacaabay Xiddiga ugu Halista badan Iyo Ciyaaryahanka Ugu Fiican Arsenal.

Halyeeyga Manchester United, Gary Neville, ayaa sheegay in weeraryahanka reer Brazil ee Gabriel Martinelli uu yahay ciyaaryahanka ugu halista badan ee kooxda Arsenal Xilli ciyaareedkaan.

Tani waxay timid kadib bandhigii Martinelli ee kulankii Arsenal ay barbaraha 1-1 la galeen Chelsea isbuucii hore ee tartanka horyaalka Premier League.

Ciyaarta ayaa ku dhammaatay barbaro goolal la’aan ah qeybtii hore, hase yeeshee Arsenal ayaa hoggaanka qabatay daqiiqaddii 60-aad markii uu Martinelli shabaqa si qurux badan usoo taabtay, ka hor inta Pedro Neto uusan Blues-ka u barbareynin daqiiqaddii 70-aad.

Martinelli, oo 23 jir ah, ayaa xilli ciyaareedkan dhaliyay saddex gool iyo saddex caawin 17 kulan oo tartamada oo dhan ah.

Neville ayaa u sheegay Sky Sports in Martinelli uu yahay ciyaaryahanka ugu halista badan ee kooxda Mikel Arteta, isagoo tilmaamay inuu aad u wanaagsanaa kulankii Chelsea.

“Wuxuu ahaa ciyaaryahanka halis ah.waa weeraryahanka Arsenal ee maanta loo baxsanayo,” ayuu yiri Neville.